Intermodal Transport Facility

NEWS ROOM:

UMASIPALA WASEMZIMKHULU UBAMBE UMHLANGANO WOKUGCINA WE ORDINARY COUNCIL

NgoLwesiHlanu: uMasipala waseMzikhulu ubambe uMhlangano wokugcina woMkhandlu ojwayelekile, okuwuphawu lokuphela kwesikhathi seminyaka emihlanu sobuholi boMkhandlu wamanje.

Enkulumweni yakhe, obekade ewuSomlomo woMkhandlu, uCllr. Gugulethu Mavuma, ubuyekeze uhambo loMkhandlu kule minyaka emihlanu, wavuma ukuthi nakuba bekunezinselelo, ukungaboni ngaso linye kanye nokwehluka kwemibono phakathi kwamakhansela, amakhansela aqhubekile nokusebenzela abantu baseMzimkhulu. Ubonge obekade eyiMeya, nabekade bemakhansela, nobewuSotswebhu (Chief Whip) uCllr. Xolani Tshazi, uMphathi kaMasipala u-Dr. Andile C. Ngqoyiya, abaQondisi kanye nabo bonke abasebenzi ngamagalelo wabo kulesi sikhathi.
Waphinde wakhuthaza uMkhandlu ozayo ukuthi uqhubeke lapho lo Mkhandlu ugcine khona, ubeke phambili ukuphathwa ngendlela nesobala kanye nokuqinisekisa ukuthi ukulethwa kwezidingo zomphakathi kuyaqhubeka nokuba yinto ebaluleke kakhulu. Ubuye wabonga abantu baseMzimkhulu ngokubekezela nangokulahli ithemba.

Obekade eyiMeya kaMasipala, Ohloniphekile uCllr. uJabulile Msiya, nayo yadlulisa ukubonga kulabo ababekade bemaKhansela nakubasebenzi bakaMasipala, yaveza ukuthi nakuba bekunezikhathi zokungaboni ngaso linye nezinselelo, bonke bebenomgomo owodwa wokwakha uMzimkhulu ongcono.

Njengophawu lokubonga, uMphathi kaMasipala, egameni lethimba labaphathi, uDkt uNgqoyiya unikeze amakhansela izitifiketi zokubonga, ehlonipha amagalelo wawo nokuzinikela kwawo ekusebenzeleni uMasipala kanye nemiphakathi yawo kule minyaka emihlanu.
#doingitforyou