IBE YIMPUMELELO INGQUNGQUTHELA YABESIFAZANE

IMeya yaloMasipala ,Ohoniphekile uCllr Jabulile Msiya,ubungaze inyanga yabesifazane emcimbini obukade uhlelwe yiGlobal Methodist Church enkomfeni ebikade ibanjelwe Ekuphumleni B & B.

Ngaphambi kokuqala kwezinhlelo zosuku, ibandla kanye noMeya bavakashele eSiwa Development Centre, okuyi-NGO ebhalisiwe yanikezwa indawo yokuhlala nokunakekelwa kwabantu emphakathini waseMzimkhulu. Ukuvakasha kwabo bekuphawulwa lokubonisa uthando, ukhathalelo nokweseka labo abadingayo.

Inkomfa ibe isiqhubekela phambili lapho uMnu B. Nontshakaza evule khona ngentshumayelo enamandla esuselwe kwincwadi ye- Genesis. Ugcizelele indaba yokudala, lapho uNkulunkulu adala khona u-Eva ngenxa ka-Adam, ekhombisa ukubaluleka, ukufudumala, nothando lwabesifazane abaluletha emphakathini. Umlayezo ugqamise ukuthi abesifazane bayizinsika zothando, ukunakekela nobumbano emindenini nasemiphakathini.

The United Methodist Church

#doingitforyou